VOV4.M’nông: Chi cục Mât rong n'hanh Thú y n'gor Quảng Ninh an gĭt, ta n'gor Quảng Ninh mhe năl saơ ntil kaman nuh srê kik djăr A/H5N8 lor bôk năp ta Việt Nam. Bah năp nê, ntơm bah nar 29/6, ntŭk mât djăr mpôl bah nô Nguyễn Huy Long, thôn Bãi Cát, xã Vũ Oai, nkual ƀon têh Hạ Long (Quảng Ninh) hŏ geh djăr khĭt ndal n'hanh hao âk mbrơi đah lĕ rngôch rnoh khĭt huach rlău 200 mblâm. Ntŭk rgum rhŏ dŏng kỹ thuật mât rong nkual ƀon têh Hạ Long hŏ sŏk 3 ntil mham uănh năl an saơ geh ntưp đah ntil kaman nuh srê kik djăr A/H5N8. Aơ lah ntil kaman lor bôk năp năl geh ta Việt Nam. Ta lam ntŭr neh hŏ tă năl geh ăp tơm nuh srê kik djăr A/H5N8 ta Châu Âu, Trung Quốc, Trung Đông n'hanh Bắc Phi. Dŭt đêt 7 nuĭh ta Nga dơi năl ntưp đah ntil kaman nuh srê kik djăr A/H5N8 tă bah kik djăr ntưp rêng ji tât nuĭh./.

Nuĭh rblang: Điểu Thân