Ôi 4/12, Kruanh dak Lương Cường hŏ geh rơh mâp cử tri ta nkuâl Thường Xuân, n’gor Thanh Hóa. Cử tri n’hanh ƀon lan nkuâl Thường Xuân dăn đă geh trong kơl êng an nkuâl mpeh yôk yang mât tay du đêt trong kơl rnôk hŏ luh bah săk ach o mô lah tât rnoh ƀon lan  mhe hôm 5 - 10 năm tay đŏng. Cử tri ŭch rŏng Quốc hội mĭn uănh, rgâl nkra, kơi ntop trong kơl an du đêt nuĭh kon se, dân quân nuĭh rnoi mpôl đê̆.

Lah rjăp Mpôl Đại biểu Quốc hội n’gor Thanh Hoá mbra rgum ăp tŏng gay mbơh đah Quốc hội, Chính phủ, ăp n’gâng kan Trung ương geh tât gay gŭ mĭn tay, nkra ơh. Ăp nău dăn đă mpeh n’glĕ nău dơi nkra bah n’gâng kan ta ntŭk, Kruanh dak dăn đă ăp kruanh rđău kan n’gor, kruanh nkuâl djăt mĭn uănh, nkra tĭng n’glĕ nău dơi kan an dŭt ơm, tŏng đah nău ŭch geh tâm di bah cử tri n’hanh ƀon lan nkuâl Thường Xuân. Nkhêp geh rnôk dja, Tập đoàn công nghiệp viễn thông quân đội Viettel n’hanh Ngân hàng Thương mại cổ phần quân đội hŏ ndơ̆ kơl 6 rmen prăk gay mon100 mblâm jay an ăp rnăk jêr jŏt ta nkuâl Thường Xuân.