Ôi (4/2), ta Jay Văn hóa Lao động n’gor – nhih pah akn mpeh nhâp nar, mpeh phường Tân An, Liên đoàn Lao động n’gor Dak Lak ƀư Bôk nău kan “Tết njôm wăr – Năm mhe nkah gĭt Đảng” năm 2026, mât chăm Tết an đoàn viên, nuĭh kan geh nău rêh jêr jŏt ta nkual mpeh nhâp nar bah n’gor.

Ta bôk nău kan, Mpôl tơm ƀư hŏ ndơ̆ kơl 300 nklâm ndơ Tết an đoàn viên, nuĭh kan, ăp nklâm ndơ rnoh khlay 800.000 rbăn prăk lĕ ma prăk măt n’hanh nklâm ndơ Tết; ntop kơl prăk rdâk mon 5 mblâm jay “N’hŭt răm Công đoàn”, rgop kơl nuĭh kan wơt Tết way ơm tâm nuih n’hâm răm mƀak, dêh rŏng. Bah năp nê, Bôk nău kan “Tết Njôm wăr– Năm mhe nkah gĭt Đảng” năm 2026 hŏ dơi Liên đoàn Lao động n’gor ƀư ta Jay Văn hóa Lao động n’gor – ntŭk mpeh luh nar (phường Tuy Hòa), kơl an 300 nklâm ndơ Tết n’hanh ndơ̆ kơl prăk rdâk mon 5 mblâm jay “N’hŭt răm Công đoàn” ntop kơl đoàn viên, nuĭh kan geh nău rêh jêr jŏt ta nkual mpeh luh nar n’gor.