Ôi 21/8 ta Hà Nội, N’gâng kan Tư pháp ƀư an ndơ nkhôm báo chí lam dak mpeh nău kan Tư phpá rơh bôk năp n’hanh rơh tâm rlong trực tuyến “Mĭn joi gĭt mpeh N’gâng kan, nău kan Tư pháp”. Jêh bơi du năm rgŏ jă, ndơ nkhôm báo chí wăch rgum rlău 250 tác phẩm âk ngih pah kan báo chí ta lam dak.

Ăp tác phẩm lah nău uĕh tâm rgôk rgâl mhe, dăch ôn lan, êp ƀon lan tâm nău ƀư mât uănh, rgop ndâk njêng trong hành chính rhŏ kan, ƀư kloh nău ƀư tơm “kâp mpông pêr” bah N’gâng kan Tư pháp tâm lôch jêh trong ƀư n’hanh ndâk njêng nău rêh ryơk pháp luật. Mpôl rdâk ƀư lĕ săch 18 tác phẩm tâm rwăch chung khỏa, tâm nĕ an 2 Giải A, 2 giải B, 4 giải C n’hanh 10 giải khuyến khích an báo in n’hanh báo điện tử. Săk rnglăy ndơ nkhôm uĕh khlay, rgop an rêng hvi nău khlay, mĭn lah nău tơm, jâng nsan bah nău kan Tư pháp tâm lvang mhe.