Ôi 10/9, ta Nhih pah kan Trung ương Đảng, ta nâm nău ƀư tơm bah Tổng Bí thư Tô Lâm, Bộ Chính trị geh rơh pah kan đah Ban thường vụ Đảng ủy Chính phủ gay an nău rgop tâm trong nchrăp siƀŭt dăn đă, trong nchrăp nuĭh kan gưl ủy n’hanh pah kan nchră Đại hội đại biểu Đảng bộ Chính phủ năm kan 2025-2030.

Ta rơh pah kan, Bộ Chính trị hŏ djăt ntơh măt Ban Thường vụ Đảng uỷ Chính phủ mbơh nău rdâk njêng trong nchrăp ăp siƀŭt dăn đă n’hanh nchrăp tơm nuĭh kan 2025 - 2030, mbơh djăt nău rgop bah ăp n’gâng kan Trung ương. N’glôch jêh rơh pah kan, Tổng Bí thư Tô Lâm dăn đă Ban Thường vụ Đảng uỷ Chính phủ djăt nău rgop bah ăp nuĭh Uỷ viên Bộ Chính trị, nău rgop tâm di bah ăp n’gâng kan Trung ương gay wat jêh ăp siƀŭt nchrăp lor dăn đă n’hanh trong nchrăp nuĭh kan, nchrăp ăp dăp gay ƀư geh nău dơi Đại hội Đảng bộ năm kan 2025 - 2030.