Nar 8/9, ta Nhih pah kan Trung ương Đảng, ta nâm nău ƀư tơm bah Tổng bí thư Tô Lâm, nsum mpôl Bộ Chính trị hŏ pah kan đah Ban Thường vụ Đảng uỷ Công an Trung ương gay an nău rgop tâm siƀŭt nchrăp lor dăn đă n’hanh trong nchrăp nuĭh kan hao rblang dăn Đại hội đại biểu Đảng bộ Công an Trung ương tâl VIII, năm kan 2025 - 2030. Ta rơh pah kan, lôch rnôk djăt Ban Thường vụ Đảng uỷ Công an Trung ương mbơh, Bộ Chính trị nchih nkah nău nchrăp uĕh, ăp dăp, răp jăp bah Đảng uỷ Công an Trung ương.

Siƀŭt mbơh chính trị dơi nchrăp âk mpưm, lhăt jăp, ăp tŏng, lam lĕ rngôch, khoa học, uănh năl lam lĕ rngôch lôch jêh tĭng ƀư Nghị quyết Đại hội năm kan rlău aơ, nchŏng kloh dơh uĕh, rbăn lhơ, mpăng đêt, nkô̆ jêng ăp nău mpăng đêt n’hanh nău tă ơm gĭt kơt nti; ntrŏng kloh trong rƀŏng, rnoh ŭch tât n’hanh 3 rmôt ŭch geh mpeh pah kan nghiệp vụ, công nghiệp rnă njrăng n’hanh rgâl mbrô, drăp ndơ ndrăp, rdâk njêng mpôl kan n’hanh tâm boh dak bah dih; 8 nău dơn kan rgum tơm n’hanh 3 đăt ndal têh khlay bah Đảng uỷ Công an Trung ương năm kan tât… Bộ Chính trị tâm ban ŭch trong nchrăp ƀư Đại hội đại biểu Đảng bộ Công an Trung ương tâl VIII. Nsing ta nkô̆ n’glôch jêh tâm nchră, dăn đă Ban Thường vụ Đảng uỷ Công an Trung ương djăt nău rgop gay wat jêh ăp nkô̆ siƀŭt nchrăp lor n’hanh nchrăp nuĭh kan Đại hội; kruanh rđău đă ƀư jăp ăp nău nchrăp; ƀư Đại hội geh nău dơi uĕh lăng, ntĭt leo lor, ntoh lư./.