Ôi 4/9, Bộ Chính trị tă bah Tổng Bí thư Tô Lâm ƀư tơm hŏ pah kan đah Ban Thường vụ Đảng uỷ Mặt trận Tổ quốc, ăp nsum mpôl Trung ương, an nău rgop mpeh trong nchrăp siƀŭt dăn đă n’hanh trong nchrăp nuĭh kan hao rblang dăn Đại hội bôk năp, năm kan 2025-2030. Ăp Ủy viên Bộ Chính trị bôk năp ŭch đah trong nchrăp, nkre rgop jru hvi, kơi ntop ƀư kloh nău dơi hŏ geh, ăp nău mpăng đêt n’hanh trong rƀŏng kan tâm rơh mhe.

Ăp nău rgop lah rjăp nău ŭch geh jŏ jong đah dăp rgum nuĭh kan mhe, rgop n’hao săk tam kan tâm trong tĭng Đảng rđău đă – Ngih dak mât uănh – Ƀon lan ƀư tơm. N’glôch jêh rơh pah kan, Tổng Bí thư Tô Lâm dăn đă Ban Thường vụ Đảng uỷ Mặt trận Tổ quốc n’hanh ăp nsum mpôl Trung ương djăt nău rgop, ƀư wat jêh siƀŭt nchrăp lor, nchrăp tơm nuĭh kan, nchrăp ăp dăp an Đại hội năm kan 2025-2030, đăp mpăn geh nău dơi n’hanh săk blău.