Lơ 11/9, ta ntŭk kan Trung ương Đảng, đah nau ƀư tơm bah đồng chí Tổng Bí thư Tô Lâm, Bộ chính trị hŏ pah kan đah Rnâng kan Đảng uỷ Quốc hội gay rgop nau tâm nau nchrăp ăp nau ntrŭnh, nau săch nŭih pah kan ndrel nau nchrăp ân Đại hội ntoh măt Đảng bộ Quốc hội tal bôk năp, năm kan 2025-2030. Tâm nar pah kan, Bộ chính trị rnê prêh nau nchrăp ăp nau mbơh nau kan ndrel nau săch nŭih kan geh Đảng uỷ Quốc hội nchrăp ueh, rjăp, jêr, khoa học tâm di ma ăp nau ntrŭnh ndrel nau ntĭm bah Trung ương nkre rgop nau jru lơn gay ntop tay, ƀư jêh nau ntrŭnh Đại hội. Tổng Bí thư Tô Lâm lah rjăp tâm năm kan tât, Đảng bộ Quốc hội ân geh rgum rđau nau ntrŭt dăng nau nau kan ndâk njêng Đảng kloh, nâp nâl ăp ntil;

Rgâl mhe nau rđau kan tĭng nau kan mhe; nsôih, ndal ƀư ngăn trong kan, nau ntrŭnh, nau đă, nau kan bah Đảng jêng nau trong kan, nau ntrŭnh pháp luật gay ƀư tâm nau ngăn. Tổng Bí thư đă, rgum rđau kan, đă ân geh nau dơi nau kan săch kan ntoh măt Quốc hội gưl XVI ndrel ntoh măt Hội đồng nhân dân ăp gưl năm kan 2026-2030. Rđau ƀư ueh nau kan ndâk njêng pháp luật, ndâk njêng pháp luật lah nau kan rgâl mhe bah rgâl mhe, doh rklaih nau nkol, rdâng, rgum, n’hong ueh nŭih ƀư kan ân hun hao neh dak./.