Nar ntri (27/8), Mpôl pah kan bah Bộ Tư pháp tă bah Thứ trưởng Nguyễn Thanh Ngọc ƀư kruanh mpôl leo hăn hŏ pah kan đah UBND n’gor Lâm Đồng hăn ôp uănh, ntĭm nti, droh rklaih jêr jŏt, kŏ kol tâm nău tĭng ƀư n’gâng kan 2 gưl tâm trong kan hộ tịch.

Ntơm bah nar 1/7 tât nar 15/8, ăp nhih pah kan đăng ký hộ tịch bah n’gor Lâm Đồng hŏ nkra rlău 46.400 hồ sơ, tâm nê bơi 36.200 hồ sơ pơk sŏng dăng bah ngai n’hanh 7.300 hồ sơ mbluh rho điện tử. Gay nkra bah jêr jŏt, nkra kŏ kol tâm nău tĭng ƀư n’gâng kan 2 gưl đah trong kan hộ tịch, Thứ trưởng Bộ Tư pháp Nguyễn Thanh Ngọc, an lah đah rnoh âk nău kan 80% siƀŭt aƀaơ nkra ta gưl xã, n’gor Lâm Đồng ân uănh khlay tâm pă tŏng cán bộ tư pháp xã; uănh khlay ntuh kơl ndơ dŏng công nghệ thông tin; rvăt năp ăp tŏng ndơ dŏng kan máy móc tŏng an nău ŭch geh ƀư nău way kan.