Lơ 7-8 ta Hà Nội, ntŭk kan Trung ương Đảng ƀư Đại hội đại biểu ntŭk kan năm kan 2025-2030. Tổng Bí thư Tô Lâm, Tổng Bí thư  ơm Nông Đức Mạnh n’hanh rnâng kan way kan Ban Bí thư Trần Cẩm Tú tât râng Đại hội. Ntoh ngơi ta rơh ntĭm leo ta Đại hội, Rnâng kan way kan Ban Bí thư Trần Cẩm Tú rnê âk ăp nău dơi geh, nău nglôch lôch lĕ rngôch ma Đảng bộ ntŭk kan Trung ương Đảng lĕ dơi geh tâm năm kan mhe nơh, ntoh lư ngăn lah nuĭh leo kan, ntĭm đă ƀư lôch ueh nău kan mbơh tơih nău, kơl an BCH Trung ương, ngăn lah n’gâng kan Chính trị, Ban Bí thư, rnâng kan Ban Bí thư tâm nău leo kan ƀư tĭng Nghị quyết,Chỉ thị bâh Đảng, Bôk nău pah kan, doh rklaih ăp nău kan ƀa ƀơ bâh Đảng n’hanh ăp nău mbơh ndal, ntoh luh, tâm rgop pă nău pah kan bâh ăp ntŭk kan mbơh tơih nău mhe bâh Trung ương Đảng, mbơh tơih nău n’hanh kơl an ueh Đại hội 13, an nchrăp ueh Đại hội 14 bâh Đảng. Đồng chí Trần Cẩm Tú đă, Đảng bộ an geh ntrôl ngăch tay lơn nău ƀư tĭng rgâl mhe rnoh mbrô n’hanh rgâl mhe hành chính tâm ăp nău kan ntŭk kan Đảng; n’hao nău an dŏng công nghệ thông tin, rnoh mbrô bâh Đảng. Ndrel đah nĕ an geh n’hao rdâk njêng Đảng bộ tâm rnglăp, dơn ngoăy, ngăn ngên kloh ueh, nâp dăng lĕ rngôch mpeh chính trị, nău mĭn, leo kan n’hanh nău kan, n’hao nău dơi leo kan, nău dơi tâm rdâng bâh ntŭk kan đảng.