Aơ lah ntŭk geh âk ƀon lan rnoi đê̆ n’hanh âk phung chroh ndrel pah kan, jêng nău rgâl ta nkual neh kan hành chính geh mbơh ndŏ mât uănh na nê̆, mô an ƀư mbrơi tâm nău ƀư tĭng nău kơl n’hanh phung chroh. Ta năp nău aơ, n’gor lĕ geh ƀư lôch lĕ rngôch Rnâng kan ntĭm leo pah kan mpôl rnoi- phung chroh ta 2 gưl kan, njêng ntŭk kan Dân tộc n’hanh phung chroh đah 4 ntŭk kan way kan, nkre lah n’hao nău kan nuĭh bu ranh ƀon, nuĭh leo phung chroh tâm nău rgŏ jă ƀon lan blău kơt rêh ueh chroh ueh, 3 nău đăp mpăn. Ăp nău kan aơ ntop tâm rgop ƀon lan, mât nâp nău rnă njrăng ta ăp xã mhe lăp. groi Kruanh Hồ Văn Niên lah na nê̆, lah mô ngăch ntop kan rĭ nău kan mpôl rnoi, phung crhoh dŭt dơh geh tăch proăt, n’hanh đă n’gor an geh njoat hăn răng dăng lơn.