Kêng măng 15/9, HĐND n’gor Dak Lak khóa X ƀư mpôch dŭt Rơh hop way nkô̆ tâl bar. Rơh hop hŏ n’gluh an dŏng 18 nghị quyết khlay mpeh pah kan cán bộ, trong kơl hun hao, tâm pă n’hanh n’gluh tơm prăk ntuh kơl, dăp rgum, rmăn lam lĕ rngôch nuĭh kan n’gâng kan bar gưl lôch n’glăp nsum, đăp mpăn njrăng n’gang neh dak – rnă njrăng.

Aơ lah ntŭk nsing tâm di khlay kơl n’gor droh rklaih jêr jŏt, mbluh soih tơm ndơ, njêng suan ntrôl ƀư wat jêh ăp rnoh tât kan năm 2025 n’hanh lvang năm 2021 – 2025. HĐND n’gor đă UBND n’gor rgum an ƀư ăp kôp, lơn lah nău dơn kan n’hao ngăch n’gluh tơm prăk ntuh kơl, nsrôih geh 100% trong nchrăp năm; ân ơm droh rklaih wăk kol tâm n’glăp dŏng n’gâng kan gưl xã, tâm pă tŏng tơm nuĭh kan, tơm ndơ gay nău kan mbluh soih; nchrăp na nê̆ an bầu cử Quốc hội khóa XVI n’hanh HĐND ăp gưl năm kan 2026 – 2031.