Kơp dơn n’hanh nkoch ăp nău jêr bâh ăp ntŭk, rnâng kan way kan HĐND n’gor Đăk Lăk đă ăp đại biểu HĐND an geh n’hao nău dơi kan, ƀư tĭng ntĭm đă răng dăng bâh Đảng, Ngih dak n’hanh Quốc hội, n’hao nău dơi ueh pah kan. Wa Cao Thị Hòa An, Kruanh HĐND n’gor Đăk Lăk an gĭt, bâh aƀaơ tât rơh săch kruanh Quốc hội n’hanh HĐND ăp gưl năm kan 2026, rmôt nău kan bâh HĐND ăp gưl lah dŭt âk jêng lah an geh n’hao nău uănh nđôi, ƀư lôch nău kan, n’hao nău uănh ăp nău ma ƀon lan mât uănh, ngăch geh saơ ăp ntŭk kŏ văk gay ma geh trong kan ndâk nkra.