Nău kan nchrăp an Đại hội đại biêu Đảng bộ n’gor Đắk Lắk rơh tal 1, năm kan 2025-2030 dôl tâm lvang ndăn. Ăp nău ƀư nkoch trêng dôl dơi mbơh ƀư tâm ban, âk trong ƀư, jêng mông nar răm rhơn tâm cán bộ, đảng viên n’hanh nuĭh ƀon lan. Nchrăp, Đại hội mbra ƀư ta dŭt khay 9 aơ.

Aơ lah nău ƀư chính trị khlay gay n’glôch jêh năm bah năp, n’gluh an trong hun hao 5 năm tât, rƀŏng tât Đại hội đại biểu tal 14 bah Đảng. Tât aƀaơ, 106 Đảng bộ gưl bah dâng tâm n’gor lĕ jêh Đại hội. Gay mbơh ngăch, di na nê̆ mpeh Đại hội, N’gâng kan Văn hóa, Thể thao n’hanh Pâl nđaih tâm rgop ăp nău mbra ƀư rƀŭn mbơh bah năp n’hanh bah kơi Đại hội.