Dak Lak dôl n’hao ngăch an ƀư ăp trong nkra siƀŭt nkre đah rgâl mbrô, gay nta trong dơh an nuĭh ƀon lan n’hanh doanh nghiệp, nkre tĭng ƀư jêng ngăn ngăn tât kêng dŭt năm 2025 geh dŭt đêt 70% hồ sơ dơi nkra ƀư pơk sŏng dăng bah ngai ta ntŭk keh mbrô. 

Tĭng Sở Khoa học n’hanh Công nghệ n’gor Dak Lak, ntơm bah nar 1/7 tât 5/9/2025, ăp nhih pah kan ta n’gor hŏ dơn nkra ƀư bơi 25,5 rkeh hồ sơ, tâm nê hồ sơ ƀư bah ngai âk bơi 75%. Rnoh âk hồ sơ pơk ƀư bah ngai lam trong kan geh rlău 36%. Mpông pơk ƀư siƀŭt bah n’gor aƀaơ mbơh rlău 2.100 siƀŭt, đah 1.867 ntil siƀŭt rgum lăp pơk sŏng dăng, kơl nuĭh ƀon lan, doanh nghiệp dơh pơk joi n’hanh tĭng ƀư. Dak Lak n’gluh tât kêng dŭt năm 2025, 100% ntŭk ƀư siƀŭt tŏng nău dơi mbra pơk ƀư bah ngai lam trong kan, rnoh âk hồ sơ pơk ƀư sŏng dăng dŭt đêt 70%, njêng đăt ndal tâm rgâl dơh glêh siƀŭt, rhŏ dŏng uĕh lơn an nău ŭch geh bah nuĭh ƀon lan n’hanh doanh nghiệp.