Ôi 26/5, UBND n’gor Dak Nông ƀư Tâm nchră uănh năl pah kan rgâl dơh glêh siƀŭt, rgâl soih uĕh ntŭk ntuh kơl tăch rgâl. Đah nău nsrôih tĭng ƀư rgâl dơh glêh siƀŭt, njêng ntŭk ntuh kơl tăch rgâl, n’gor Dak Nông hŏ tât geh nău dơi di ma rnê mpơl ma ăp  rnoh uănh năl bah nsum mpôl doanh nghiệp hao âk mbro tâm 4 năm aơ.

Dŭt njrăng khlay lah âk rnoh gâp PCI năm 2022 geh nău dơi âk ndal, kơt rnoh kloh rvah dâk tâl 17/63. Aƀaơ, n’gor Dak Nông dôl an ƀư tay ăp trong nkra kơt: n’hao nău dơi  tât đah nău lư, rƀah gĭt n’hanh droh rklaih ngăch ăp jêr jŏt, kŏ kol an doanh nghiệp, nsrôih hŭch đêt roh huach prăk dŏng kan ngăn, n’hao nău dơi tam tâm nău kan ntop kơl ăp doanh nghiệp.