Ôi 22/11, N’gor đoàn Kon Tum ƀư nkah gĭt 25 năm Nău kan Druh ndăm kơl kan khay mih. 25 năm rlău nău kan druh ndăm kơl kơl khay mih dơi druh ndăm n’gor Kon Tum ƀư mhe tĭng năm, n’ăp đah nkô̆ nău n’hanh trong mbơh ƀư.

Săk rnglăy ntoh lư dơn ƀư tĭng 875 ndơ ƀư, gưl kan druh ndăm đah dĭng lĕ khlay 10 rmen prăk; ntop kơl nkra, ƀư di rlău 700km trong thôn ƀon; ndâk ƀư n’hanh nkra rlău 80 mlâm jay kơl an, nuĭh geh nău rêh jêr jŏt; chop khâl, an rlău 20.000 nklâm ndơ an rnăk dơi kơl, nuĭh geh soan. Di rơh aơ, 12 nuĭh ntoh lư ntrong leo druh ndăm kơl kan khay mih bah n’gor Kon Tum lap wơt dơn Kỷ niệm chương “Yor rơh druh ndăm” bah Trung ương Đoàn; UBND n’gor Kon Tum an Bằng khen 7 rmôt n’hanh êng nuĭh; N’gor Đoàn Kon Tum an nkuăl n’har bri Sa Thầy n’hanh Ngọc Hồi 2 ndơ ƀư druh ndăm “Mpoh ang trong ƀon tơm” đah dĭng lĕ 225 rkeh prăk.