Nĕ lah oh Siu Sam Ban, kon hoc nti jrô 6A2, ngih nti TH n’hanh THCS Nguyễn Du, xã Dun, nkuăl Chư Sê.

Ta năp nĕ, ta rnôk 12 mông n’gul nar 20/5, saơ oh Siu Si ôn deh năm 2017 n’hanh oh Kpuih Nhăn deh năm 2014 rmok ta dak me Ia Pết, ntŭk hoch let xã Dun, oh Siu Sam Ban lĕ jŭr vơt dơi. Lôch nĕ rnôk geh mbơh nău, ngih nti TH n’hanh THCS Nguyễn Du lĕ rnê nău kan bâh oh Siu Sam Ban ta năp kon hoc lam ngih nti n’hanh mbơ njrăng kon hoc mô dơi hăn ŭm ta dak bât, dak me ntŭk dak jru, der geh rmok dak. Ntŭk kan ntĭm nti nkuăl Chư Sê lĕ tâm rgop đah đoàn nkuăl gay ma ƀư ôp khâl, rgŏ jă n’hanh nkhôm rnê oh Siu Sam Ban yor lĕ geh nău kan kơl bah rmok dak an 2 hê oh jê̆.