Mih têh ntoch jong ăp nar rlău aơ dôl ƀư âk njăr trong me ta n’gor Lâm Đồng geh ma nău pĭch rlâm. Ta ăp njăr trong kơt cao tốc Vĩnh Hảo – Phan Thiết; quốc lộ 27, 28B, sop Prenn… hŏ ntoh âk ntŭk geh ma nău pĭch rlâm neh âk, nking kol ntung trong n’hanh khuch tât nău đăp mpăn bah nuĭh, ndeh rklư rsong hăn trong. Ndrel đah nê nău pĭch rlâm, kol  khan geh ta âk njăr trong bah n’gor đŏng, tâm nê geh trong Đạo Nghĩa - Quảng Khê; trong DT715 hăn rlău xã Hàm Thuận… N’gâng kan ăp ntŭk n’hanh n’gâng kan dơi kan n’gor Lâm Đồng hŏ rgum mpôl kan, ndeh rklư gay nkra lơh ăp ntŭk pĭch rlâm, mbluh n’hong dak hoch… pla nchih đăp mpăn an nuĭh ƀon lan.

Bah năp nô nău trôk nar tât krit nji, UBND n’gor Lâm Đồng hŏ geh siƀŭt njuăl rđău đă Ban Chỉ huy njrăng n’gang ƀon lan n’gor, UBND ăp xã, phường n’hanh đặc khu Phú Quý lor nchrăp rdâng lơh đah mih têh, ndâp băm, dak bŭk, pĭch rlâm. N’gor Lâm Đồng aƀaơ geh 8 njăr trong quốc lộ đah lĕ rngôch rnoh jong bơi 1.400km n’hanh bơi 1.300km trong n’gor. Tă bah âk njăr trong mô hŏ dơi nkra ntuh kơl n’hao têh hvi ăp kôp hăn rlău âk yôk bri hưt jru jêng geh ma nău pĭch rlâm, kol khan roh đăp mpăn hăn ntung trong tâm khay mih phŭt dŭt âk./.