Rơh mih ta bôk khay 9 mhe nơh lĕ geh dak buk âk ta nkual ƀon lan gŭ, ƀư khuch khat 240ha ba, bum mbo bâh bơi tât 600 rnăk ƀon lan, ndrel đah ndơ dŏng ntung trong, trong n’hong dak geh rluh rlâm. Bí thư Đảng uỷ xã, wa Phạm Văn Phương, an gĭt nău ntrơn lah trong kan dŭt khlăy ngăn gay ma bah nău aơ. Ta ntŭk lĕ geh nchrăp nău kan nsum, săch na nê̆ rnoh neh nsum dăch QL 25 n’hanh ntŭk kan văn hoá xã gay ma pă ntŭk gŭ mhe, đah rnoh neh ăp ntŭk klâp ma 580 mét vuông, mât đăp mpăn nkre geh neh gŭ, nkre geh mir tăm n’hanh ntŭk mât rong. Lah geh n’gor pă prăk, nău kan mbra dơi geh mbơh tơih dâl, kơl an ƀon lan đăp mpăn ntŭk gŭ jŏ jong, mô hôm rvê ta năp khay mih tay.