Jêh rlău 2 khay pơk dŏng ntrong ƀư n’gâng kan ƀon lan 2 gưl, nău wơt dơn, mkra samƀŭt hành chính ta ăp xă-phường bah n’gor Gia Lai geh săk rnglăy uĕh. Êng đah du đêt xă, phường ta nklang, UBND n’gor Gia Lai đă ngăch geh Ntŭk kan rhŏ an hành chính nsum êng gay pơk dŏng săk rnglăy. Tĭng UBND n’gor Gia Lai, ăp Ntŭk kan rhŏ an hành chính nsum êng gưl xă bah n’gor dôl pah kan dŭt săk rnglăy, đah rnoh mkra di nar geh rlău 95%.

Wa Lâm Hải Giang, Groi Kruanh UBND n’gor Gia Lai an gĭt, samƀŭt rhăch nău, samƀŭt neh ntu geh rnoh nkân âk lơn ăp ntil nău êng, mô hŏ tŏng nău ŭch bah nuĭh ƀon lan, ngăn lah ta ăp phường ta nklang. Nkre, đă ăp xă phường hôm e nău aơ an ngăch ndâk ƀư ntŭk kan hành chính nsum bah êng nơm gay ndơ̆ ăp nău rhŏ nsum sĭt êp ƀon lan lơn, n’hŭch mông nar n’hanh prăk hăn nsong.