Rơh thi tốt nghiệp THPT năm 2025, n’gor Gia Lai geh rlău 16.200 nuĭh đăng ký râng thi, tâm nê geh 704 nuĭh râng êng bah dih. Lam n’gor tâm pă ƀư 42 ntŭk thi đah 718 jrô thi. Gay rơh thi ƀư đăp mpăn n’hanh răp jăp, Sở Giáo dục n’hanh Đào tạo (GD&ĐT) Gia Lai hŏ rgum 4.500 cán bộ, nai ntĭm, nuĭh kan râng tâm ăp rêng ƀư.

Ndrel đah nchrăp drăp ndơ, ăp nhih nti THPT ta n’gor hŏ an ƀư trong nchrăp kơt nti, ôn luyện bah ơm gay kơl kon se nkah tay nău tă nti, nsing nơm rnôk thi. Trong kan “Kơl khay thi” ta ăp ntŭk hŏ nchrăp đŏng. 2.400 nuĭh jêr jŏt râng thi ta Gia Lai hŏ dơi ntop kơl đah lĕ rngôch rnoh prăk rlău 940 rkeh prăk. Êng nkual ƀon têh Pleiku hŏ rdâk njêng trong nchrăp tâm pă, ntop kơl ntŭk gŭ sa, rlu rlău an nuĭh râng thi êng bah dih tĭng bôk nău kan ntĭm nti phổ thông 2006.