Lơ 15/9, ta rơh rƀŭn tal 3, HĐND n’gor Gia Lai gưl XII nchră nau ntrŭnh ntrơn rgâl nau kan ƀư ma rhiăng nau kan ntuh kơl nsum ndrel bôk nau kan bah neh dak. Tĭng nê, 56 nau kan, đah rlau 3.100 rmen geh jao ƀư: 4 nau kan (381 rmen prăk) hao ân Rnâng kan mât nau ntuh kơl ndâk n’gor ndrel 52 nau kan (2.740 rmen) jao ân ăp xã, phường. Êng nê, 34 nau kan, đah 667 rmen tâm ăp Bôk nau kan bah neh dak, ndrel bơi tât 400 bôk nau kan jê̆ bah năp nơh jao nkuăl, nkuăl têh, nkuăl ƀon têh rnôk aơ kŏ ntrơn leo tât xã, phường ƀư kan.

Giám đốc N’gâng kan tơm prăk Gia Lai Trần Cang mbơh, nau ntrơn rgâl aơ mra dăp rgum tay nau kan mât, n’hao nau pă gưl ân ăp ntŭk tâm dâng, n’hao nau săk tam nau pă tơm prăk, geh nsum ma nau kan n’gâng kan bar gưl. Wa lah rjăp: “Tơm prăk tâm moh xã, jao n’gâng kan tâm xã nê rđau, ƀư kan”, nkre ân xã tŏng dơi ndâk rnâng kan mât bôk nau kan mô lah ân manh rmôt kan gay ma kơl an./.