Ôi 22/7, di nkah gĭt 78 năm Nar Thương binh-Liệt sĩ (27/7), Groi Kruanh Quốc hội Nguyễn Thị Thanh ndrel mpôl pah kan lĕ khâl n’hanh an ndơ ăp rnăk dơi kơl ta Đà Lạt, n’gor Lâm Đồng. Jêh rnôk na nê̆ tât khâl 4 rnăk ntoh lư Groi Kruanh Quốc hội Nguyễn Thị Thanh lĕ mâp măt, an ndơ nkah gĭt an 100 nuĭh geh soan đah cách mạng ta lam Đà Lạt.

Groi Kruanh Quốc hội lah rjăp, Đảng n’hanh Ngih dak uănh khlay mro ƀư tĭng nău kơl nuĭh geh soan, nkre đă Lâm Đồng ntrôl dăng tay ăp nău ƀư “rsơl plơng”. N’gor aƀaơ geh rlău 21.000 tahen lĕ khĭt, 11.000 tahen sôt rmanh n’hanh rlău 40.000 nuĭh hăn tâm lơh tâm su. Rlău 100 nklâm ndơ an rơh aơ, wa Nguyễn Thị Thanh rgŏ jă đŏng ăp nuĭh lŏng bôk tôr ntop kơl tay 400 nklâm ndơ njuăl tât ăp rnăk nuĭh geh soan ta Lâm Đồng, Dak Nông n’hanh Bình Thuận ơm.