Ta rơh vơt, groi Thủ tướng Trần Lưu Quang rhơn ăp nău dơi geh bâh Đảng nhân dân cách mạng Lào n’hanh ƀon lan ăp mpôl rnoi Lào tâm rnôk trong hun hao wăng sa- rêh jêng; lah na nê̆, nău tâm boh kan đah 2 Đảng, 2 ngih dak n’hanh ƀon lan 2 dak dôl mpŏng tât nău ueh.

Groi Thủ tướng knơm, rơh tât khâl pah kan rơh aơ bâh mpôl kan mbra ntop ƀư ueh tay lơn nău tâm boh tâm rnglăp têh khlăy, tâm rnglăp na nê̆, tâm kơl lĕ rngôch Việt Nam-Lào. groi Thủ tướng dăn đă, tâm let năp tay, bar kruanh n’gâng kan Nội vụ 2 dak an geh tâm rgop na nê̆ lơn tay tâm nău ƀư tĭng ăp nău tâm ton tâm kơl đah 2 ntŭk kan, nsrôih mbơh tơih ăp trong kan way kan kơt lah; mĭn uănh rdâk njêng Luật, mât uănh ngih dak, tâm mbơh mpôl kan gâl têh đah 2 n’gâng kan, ntĭm nti cán bộ công chức, tâm mbơh nău tă kan rdâk njêng mpơl nău kan geh tât n’gâng kan ta ntŭk.