Kêng măng 11/9, Rmôt hăn kan bah Chính phủ yor Groi Thủ tướng Hồ Đức Phớc ƀư tơm rmôt kan hŏ pah kan đah nkuăl ƀon têh Hải Phòng mpeh nau doh rklaih nau jêr, nau nkol tâm nau kan ê nkra tăch rgâl, tăch luh, rvăt lăp, ndâk ntŭk ntu, ntrŭt dăng hun hao, ntrŭt dăng nau pă tơm prăk ntuh kơl nsum. Tâm nar rƀŭn ntoh măt ăp n’gâng kan hŏ tâm nchră, doh rklaih du đê̆ nau jêr, nkol ma nkuăl ƀon têh Hải Phòng dôl mâp; đă Nkuăl ƀon têh ân rgum ntrŭt dăng nau nsôih hun hao mhe, kơt: Ntrŭnh ƀư nau kan  ntŭk ƀư tăch rgâl dah rŏng; điện sial dak lêng; ntrơn rgâl mrô...

Rnê prêh ăp nau tă geh dơi ăp ntil Hải Phòng tă geh, Groi Thủ tướng Hồ Đức Phớc lah rjăp: Hải Phòng mbăk nau kan khlay têh ndrel đă đah nau dăng dơi mhe, nkuăl ƀon têh Hải Phòng mhe ân geh uănh nchră n’hêl ăp nau tă geh dơi bah lam ntur neh, ndăn dŏng tâm di ma nau ngăn, nau dơi bah n’gor tâm nau rgum Hải Phòng (mhe); ndâk nkuăl văng sa dah rŏng, săch ăp tơm ntuh kơl ueh, geh nau kan prêh nsum ma nau jao nau kan khoa học, công nghêk, đăp mpăn nau hun hao ngăch, dăng, nâp nâl./.