Ôi 26/8, Groi Thủ tướng Chính phủ Trần Hồng Hà ƀư tơm rƀŭn trực tuyến đah ăp n’gor mpeh trong kan rdâng phŭt mrô 5. Tĭng nău mbơh, phŭt lĕ ƀư 3 nuĭh khĭt, 10 nuĭh sôt rmanh; rlău 6.800 rnăk jay plôk chor, djơh; mih dak lip ƀư băm 28.814 ha ba n’hanh 2.221 ha tuh mbo.

Groi Thủ tướng djôt dơn nău lăp dŭt n’hâm, ngăch bah Nghệ An, Thanh Hóa, Hà Tĩnh, nkre đă Thanh Hóa, Hà Tĩnh, Quảng Trị n’hanh Thừa Thiên Huế uănh lah tay nău dơi njrăng rdâng, ngăn lah trong rbông bât gay n’hao nău nchrăp lor trôk nar. Mpeh mkra khuch khat, Groi Thủ tướng đă rgŏ jă tay rmôt tahen, công an ntop kơl nuĭh ƀon lan, kơl lor ngih samƀŭt, ngih dak si, rnăk ach o n’hanh rnăk dơi kơl. Wa lah rjăp an ơm mkra tay ntĭm nti, mât uănh săk soan, đăp mpăn nău rêh nuĭh ƀon lan jêh phŭt.