Ôi (15/9), HĐND n’gor Dak Lak khóa X, năm kan 2021 – 2026 ƀư Rơh hop way nkô̆ tâl bar. Ta rơh hop, HĐND n’gor Dak Lak rgum tâm nchră, n’hơr ti ŭch ăp nghị quyết mpeh tâm pă, rgâl di trong nchrăp tơm prăk ntuh kơl hun hao gay tĭng ƀư ăp rnoh tât bôk nău kan gưl neh dak; n’glêh an giao biên chế công chức, rnoh âk nuĭh pah kan tâm nhih pah kan ngih dak năm 2025; rgâl nău ŭch dŏng neh bri gay ƀư du đêt trong nchrăp kan rgum tơm; n’gluh an dŏng nău way pah kan bah HĐND n’gor, Rnâng kan HĐND, ăp Ban, rmôt đại biểu n’hanh đại biểu HĐND n’gor. Ta rơh hop dja đŏng, HĐND n’gor Dak Lak khóa X, năm kan 2021 – 2026 hŏ ƀư kơi ntop sơch Groi kruanh HĐND n’gor.

Đah rnoh phiếu sơch geh rlău 86,2% đại biểu ŭch, HĐND n’gor Dak Lak hŏ n’gluh an dŏng nghị quyết năl ngăn wa Từ Thái Giang dơi sơch ƀư Groi kruanh HĐND n’gor Dak Lak khóa X, năm kan 2021 – 2026. Lah ta rơh hop, wa Cao Thị Hòa An – Groi Bí thư Rnâng kan Tỉnh ủy, Kruanh HĐND n’gor lah rjăp: lôch bar khay an ƀư dăp rgum, n’glăp dơn ngoăy bar n’gor, nuĭh kan n’gâng kanh bar gưl tĭng kơn dơi dăp rgum ăp tŏng, n’glăp dŏng đăp mpăn, rgop ndơ̆ n’gâng kan dăch ƀon lan lơn, nkra ngăch ăp nkô̆ nău ngăn ngăn.