Lơ 10/9, ta nar pah kan đah UBND n’gor Khánh Hoà, Kruanh n’gâng kan Bộ Dân tộc ndrel Tôn giáo Hồ Văn Niên lah rjăp nau đă ndal lah ân n’hao nau mât ngih dak tât nau kan rnoi mpôl, mpôl chroh, đăp mpăn nau dŏng ƀư ueh n’gâng kan 2 gưl, geh nsum ma nau n’hao nau rêh, n’huch ach o nâp nâl ân nkuăl rnoi mpôl đê̆. Jêh rgum ma Ninh Thuận, n’gor Khánh Hoà mhe geh 2,2 rkeh nŭih. N’gor geh 36 rmoi mpôl đê̆ đah 290 rbăn nŭih, geh rlau 13% rnoh nŭih lam n’gor; geh 12 mpôl chroh đah bơi tât 900 ntŭk rƀŭn, 650 rbăn nŭih tĭng chroh ndrel bơi tât 8.800 nŭih rđau kan chroh ăp ntil.

Ăp năm rlau aơ, Khánh Hoà kơl an ntuh kơl hun hao nkuăl rnoi mpôl đê̆. Lvang năm 2021-2025, rnoh rnăk ach o tâm nkual huch rlau 5% du năm. N’gor ƀư jêh nau kan jut ngih truh sat ơm 4 khay rđil nau nchrăp, đah 3.500 ngih geh ndâk ndrel ƀư nâp mhe./.