Măng ntri 27/8, ta Quảng trường Ba Đình, Hà Nội, bôk nău kan kơp dơn n’grĭng tahen gưl Ngih dak lor bôk năp nkah ndray 80 năm Cách mạng Khay pham geh nău dơi n’hanh Quốc khánh dak Cộng hòa xã hội chủ nghĩa Việt Nam (nău dơn kan A80) ƀư ngăn. Rơh kơp dơn bôk năp đah nău tât râng bah rlău 40 rbăn nuĭh bah ăp mpôl mpeh tahen ƀon lan, Công an ƀon lan, nsum mpôl, mpôl dâk mbor n’hanh ndrak nsiu phao bleo tahen, ndeh đặc chủng, ndrel ăp nsum mpôl n’hanh nău tât râng bah ƀon lan.

Lơn lah ntơm bôk rơh kơp dơn lah gâl pơk ƀoh sŏng dăng bah bôk ƀoh Khánh Hòa, đah rup clip n’grĭng tahen ăp mpôl tahen dak lêng, geh nău tât râng bah tàu ngầm, duk groi njŭn grăp ŭnh, duk grăp ŭnh, ăp ntil duk cảnh sát dak lêng, kơp uănh lơh joi ka, quân y, ndeh păr kung...Tĭng njuat jâng dăng, rmôt rĭng grep bah ăp mpôl tahen, công an n’hanh nsum mpôl ƀon lan hŏ rdâk tay nău n’hao êng săk rnoi nuĭh, rdâk tay nău nkah dăng janh bah neh dak tâm rlăch ndăng, nâp dăng tâm rdâk njêng n’hanh mât njrăng neh dak. Tĭng trong nchrăp, lor rnôk lăp tâm rơh Lễ nkah ndray ngăn tâm ôi 2/9, rơh n’grĭng tahen rgum lam lĕ rngôch mbra ƀư tâm ôi 30/8.