Ôi 4/9 ta Bắc Kinh, Kruanh dak Lương Cường lĕ rgum nchră đah Tổng Bí thư, Kruanh dak Trung Quốc Tập Cận Bình. 2 kruanh nkoch nău răm rhơn ta năp ăp nău rgâl uĕh tâm boh 2 dak, tâm ban ŭch ƀư jru tay tâm boh kan ndrel têh hvi lĕ rngôch, rƀŏng tât ndâk njêng nsum mpôl tâm pă nău rêh rgŏ năp Việt Nam-Trung Quốc.

Kruanh dak Lương Cường đă n’hao tâm mâp gưl prêh, ntrôl kan ndrel ngăn ngên tâm ăp ntil: khoa học-công nghệ, rgâl mhe, mĭn ƀư mhe, ntĭm nti nuĭh kan uĕh, boăt nthoi ntung trong têh, kan ndrel wăng sa-tăch rgâl, ntĭm nti n’hanh pâl nđaih. Wa Tập Cận Bình lah rjăp an ơm ƀư rơh rƀŭn bôk năp bah Ủy ban 2 dak kan ndrel trong ndeh treng, nkre ntrôl tâm nđŭr gưl prêh, tâm rgâl nău blău ơm ndâk njêng Đảng, mât uănh neh dak. 2 ding tâm ban ŭch mbơh ƀư ăp nău tâm năm tât nuĭh uĕh di nkah gĭt 75 năm ndâk njêng tâm boh tâm rnglăp.