Ôi ntri (4/12), Kruanh ban Nội chính Trung ương Phan Đình Trạc ndrel Mpôl đại biểu Quốc hội n’gor Lâm Đồng mâp cử tri xã Ka Đơn, nkuâl Đơn Dương. Cử tri xã Ka Đơn, nkuâl Đơn Dương mpơl nău tâm ban ŭch, nău nsing nơm n’hanh rnê âk nău dơi geh pah kan njrăng n’gang sa khâm, lơn lah nsrôih âk tâm nău tĭng ƀư dơh glêh nuĭh kan bah Đảng, Ngih dak.

Nkre, cử tri dăn đă tât Mpôl đại biểu Quốc hội n’gor Lâm Đồng âk nkô̆ nău ntoh luh tâm rnôk tĭng ƀư Luật neh ntu, Luật Hợp tác xã, nău an manh, tăch rgâl, njêng rnoh khlay neh đah ăp ntŭk rdâk njêng têh. Tĭng wa Phan Đình Trạc, Kruanh ban Nội chính Trung ương, aơ lah ăp nkô̆ nău dŭt ngăn ngăn, khuch  tât nău kan ƀư njêng n’hanh nău rêh bah nuĭh ƀon lan, ân dơi ăp n’gâng kan, ăp gưl uănh khlay nkra. Tâm nê, mĭn ntôn geh nău tih djơh tâm nău nkra ƀư siƀŭt, đek mân ƀư jêr an nuĭh ƀon lan, ân ôp uănh ƀư kloh n’hanh rmal lhăt.