Kêng măng 4/12, Kruanh dak Lương Cường hŏ tât khâl cán bộ, tahen Đồn Biên phòng Bát Mọt, Tahen Biên phòng n’gor Thanh Hoá. Ntoh nau ta aơ, ntoh măt rđau kan Đảng, Ngih dak, Kruanh dak Lương Cường rhơn, rnê ăp nau tă dơi geh ma cán bộ, tahen Đồn Biên phòng Bát Mọt ndrel ƀon lan tâm nkuăl hŏ tă geh dơi tâm rơh rlau aơ. Tĭng Kruanh dak, rơh tât, nchrăp mra geh nau tât jêr rdâng, ăp phung rlăng, joi trong lơh cách mạng dak nơm, nkhah nau tâm rnglăp ueh đah dak Việt Nam ndrel Lào.

Ndri ma, nau kan mât đăp mpăn nau dơi, đăp mpăn neh ntu bah neh dak nơm tâm rơh mhe ndŏ luh âk nau jâk. Tâm nuih n’hâm nê, Kruanh dak đă cán bộ, tahen Đồn Bát Mọt lŏ ƀư ueh nau kan tơm, ƀư nâp nau kan ndâk njêng, mât nâp neh dak nơm; rgop nau mât ntŭk ntu đăp mpăn, nâp nâl gay hun hao văng sa neh dak lah nsum ndrel n’gor Thanh Hoá lah êng./.