Kêng măng 3/9, ta Bắc Kinh, Trung Quốc, dŭt jêh rêng kan tâm mâp bar ding, Kruanh dak Lương Cường hŏ ôp srĭng nău Tổng thống Nga Vladimir Putin. Kruanh dak lah rjăp Việt Nam uănh khlay tâm boh đah Nga, n’grŏ tĭng Nga hun hao đăp mpăn, nâp dăng n’hanh ntik n’hao nău khlay kan uĕh ta ntŭk kan dak bah dih, nchrăp ntrŭt ntrôl tâm boh Nga - ASEAN.

Kruanh dak lah rjăp Việt Nam rhơn rnê doanh nghiệp Nga ntuh kơl tâm ăp nkual công nghiệp, tâm boh dak si, công nghệ mbrô… Bar kruanh rđău kan tâm ban ŭch ndrel rdâk tay tâm boh chính trị - tâm boh tâm brê, an ƀư geh nău tam ăp nău tâm ton hŏ dơi geh tâm trong hăn khâl bah Tổng thống Putin tât Việt Nam khay 6/2024 n’hanh hăn khâl Nga bah Tổng Bí thư Tô Lâm khay 5/2025; nkre n’hao âk tơ̆ tâm khâl gưl têh. Bar ding lah rjăp nău nsrôih n’hao têh tâm boh wăng sa – tăch rgâl, ntuh kơl, tâm di đah tâm boh chính trị uĕh lăng n’hanh săk geh têh âk bah ăp dak.