Ôi ntri (3/9), Trung Quốc khuh n’gôr ƀư Lễ n’grĭng tahen nkah ndray 80 năm lơh dơi phát xít bah ƀon lan lam ntŭr neh ta Quảng trường Thiên An Môn ta thủ đô Bắc Kinh. Dơn nău jă bah Tổng Bí thư Ban Chấp hành Trung ương Đảng Cộng sản Trung Quốc, Kruanh dak Cộng hòa nhân dân Trung Hoa Tập Cận Bình, Kruanh dak Lương Cường n’hanh mpôl ntơh măt gưl têh Việt Nam râng Lễ nkah ndray. 

Lah mbah rhơn ta nar lễ nkah ndray, Tổng Bí thư, Kruanh dak Trung Quốc Tập Cận Bình mpơl nău nkah gĭt nău n’groh an bah ăp tahen ơm hŏ râng tâm lơh, tâm ban kơt nău n’grŏ tĭng bah băl mpôl dak bah dih ŭch rŏng đăp mpăn tâm rơh rlăch ndăng chủ nghĩa phát xít. Lôch nê, rơh n’grĭng tahen têh đah nău tât râng bah âk ntil ndrak nsiu têh dăng mhe tâm biên chế Tahen rklaih luh ƀon lan Trung Quốc lĕ rngôch 45 mpôl rgum njok trong Trường An. Bah năp nê, Kruanh dak Lương Cường hŏ râng Lễ wơt n’hanh chŭp rup nsum đah ăp Kruanh mpôl râng Lễ nkah ndray 80 năm lơh dơi phát xít bah ƀon lan lam ntŭr neh tă bah Tổng Bí thư, Kruanh  dak Trung Quốc Tập Cận Bình ƀư tơm.