Lơ 15/9 ta Hà Nội, Kruanh dak Lương Cường râng lăp năm nti mhe năm 2025-2026 Học viện Quốc phòng. Ntoh nau tâm nar ntơm lăp năm nti mhe, Kruanh dak Lương Cường lah rjăp Học viện lah ntŭk ang mpeh nau mĭn njêng khoa học, mbơh nau kan tơm, hun hao lý luận, n’hao nau dăng rđau kan, đă ndrel mât neh dak, rnă njrăng bah Đảng, Ngih dak, rgop nau ndâk tahen, ƀư nâp neh dak, mât đăp mpăn neh dak tă bah ơm, bah ngai, mât đăp mpăn chính trị, rêh jêng, pơk trong nâp nâl ân nau ndâk ndrel mât neh dak. Gay ƀư ueh nau dơi, nau kan tâm rnôk mhe bah Học viện neh dak,.

Kruanh dak đă Học viện ân lŏ ƀư ueh nau ntrŭnh, rjăp ƀư ân tam ăp nau ntrŭnh, ntrong kan bah Đảng, pháp luật bah Ngih dak mpeh neh dak, rna ửnăng, mpeh nau đă ƀư nau kan ndâk rmôt cán bộ gưl prêh bah Đảng, Ngih dak, rmôt tahen; nkre, nchrăp ƀư ân ueh, ntrŭnh nkre nau ntrŭnh Đại hội Đảng bộ tahen tal XII ndrel nau ntrŭnh Đại hội tal XIV bah Đảng lăp tâm nau ntĭm nti gay njêng nau mhe mpeh nkô̆, nau kan, nau ntĭm nti, geh nsum ma lý luận ndrel nau ngăn, tâm di ma nau mât neh dak tâm rnôk mhe./.