Kahgĭt 80 năm Cách mạng khay 8 geh nău dơi n’hanh Quốc khánh lơ 2/9, ta ntŭk rƀŭn nchră lam ntur neh, Hà Nội, Ủy ban trung ương Mặt trận tổ quốc Việt Nam ntoh n’gôr ƀư rơh tâm mâp măt bâh nuĭh leo kan Đảng, Ngih dak đah nuĭh ndơn măt ntoh lư ndơn an ăp nuĭh ƀon lan. Ntoh ngơi ta rơh tâm mâp, Kruanh dak Lương Cường lah na nê̆ đah nău leo kan bâh Đảng Cộng sản Việt Nam, Mặt trận Tổ quốc Việt Nam way geh mât nău kan tơm mpeh chính trị, lah ngih jay nsum rgum nsum, tâm rnglăp ăp ntŭk rêh jêng, ăp mpôl rnoi, phung chroh, nuĭh Việt Nam tâm n’hanh bah dih dak, njêng soan dăng bâh lĕ rmôt tâm rnglăp lĕ mpôl rnoi. Kruanh dak đă Mặt trận Tổ quốc Việt Nam ăp gưl kan an geh leo kan, mĭn kan tay lơn tâm nău n’hao nău kan, nău mĭn kan bâh ntŭk kan, nuĭh kan ntoh lư tâm ăp nuĭh ƀon lan, ƀon lan ăp mpôl rnoi, phung chroh, mpôl doanh nhân n’hanh nuĭh Việt Nam gŭ dak bah dih, ntop ntĭm nti nău way ơm, ntĭm bun dăp nău mĭn kan cách mạng n’hanh ndâk nsơm nău ŭch rŏng ntop kan an rơh mom tâm nău kan Cách mạng ntoh ang bâh mpôl rnoi ta rơh mhe.