Kêng măng 4/9, ta Bắc Kinh, Trung Quốc, di rơh khâl Ƀư nkah gĭt 80 năm lơh dăng phát-xít bah ƀon lan lam ntŭr neh n’hanh pah kan ta Trung Quốc, Kruanh dak Lương Cường lĕ rgum nchră đah đồng chí Triệu Lạc Tế, Ủy viên Thường vụ Bộ Chính trị, Ủy viên kruanh Nhân đại lam dak Trung Quốc.

Ta nar rgum nchră, Kruanh dak Lương Cường lah rjăp nău ntrŭnh di bah Đảng n’hanh Ngih dak Việt Nam kơl lor bôk năp hun hao tâm boh Việt-Trung; đă 2 Đảng, 2 dak n’hao tâm rnglăp, kan ndrel. Tam ban ŭch âk đah ăp nău rgop bah Kruanh dak Lương Cường, Ủy viên kruanh Triệu Lạc Tế lah rjăp 2 Đảng, 2 dak mât uĕh nău way ơm dăch dêh, n’hao kan ndrel, ndrel ty ndâk njêng Nsum mpôl tâm pă nău rgŏ năp geh nkô̆ nău têh tâm di đah nău geh bah 2 dak, rgop rblang uĕh an đăp mpăn, kan ndrel, hun hao bah nkual n’hanh lam ntŭr neh.