Ôi lơ 11/9, ta ntŭk kan Kruanh dak, Kruanh dak Lương Cường hŏ geh nar vơt Kruanh N’gâng kan neh dak Thổ Nhĩ Kỳ Yasar Guler tât mbah di rnôk tât khâl, pah kan ta Việt Nam. Tâm nar vơt, Kruanh dak lah rjăp Việt Nam uănh khlay nau ƀư nâp tâm boh kan nsum ma Thổ Nhĩ Kỳ yor nau geh dơi bah ƀon lan bar dak, kŏ kơt lah yor nau đăp mpăn, nâp nâl, tâm boh ndrel hun hao tâm ăp nkuăl ndrel lam ntur neh. Kruanh dak Lương Cường lah rjăp nau tâm boh bar ding tâm rơh rlau aơ hun hao ueh ndrel Việt Nam ŭch leo nau tâm boh kan nsum hao du nhoat mhe.

Gay leo nau tâm boh neh dak Việt Nam-Thổ Nhĩ Kỳ hăn lăp tâm nau ngăn, săk tam lơn, Kruanh dak đă rơh tât N’gâng kan neh dak bar dak lŏ ntrŭt dăng, ƀư jru lơn tay nau tâm boh tâm nau kan tâm nchră tât tâm boh neh dak geh ký ton, kŏ kơt lah nkô̆ nau hŏ geh tâm nchră, tâm ban tâm rơh tâm nchră bar Kruanh n’gâng kan neh dak./.