Lơ 19/8, ta ntŭk kan Kruanh, Kruanh dak Lương Cường ndrel i ur hŏ ƀư tơm nar vơt Kđăch Bhutan Dích-me Khê-sa Nam-gen Oang-chắc ndrel i ur khâl gưl Ngih dak Việt Nam. Jêh rnôk vơt, bar ding hŏ ntơm tâm nchră. Kruanh dak Lương Cường ndrel Kđăch Jigme ndrel tâm ban nau tâm boh kan nsum đah Việt Nam ndrel Kđăch Bhutan geh bun dăp tâm nau tâm boh ueh răm, nau tâm ban tâm ăp nau khlay ndrel nau rƀŏng, nau mĭn kan hun hao nâp nâl.

Tâm nuih n’hâm nê, bar ding tâm ban nau mô rlu ƀư nâp nau tâm boh ndrel tâm gĭt rbăng nsum, ntrŭt dăng ăp rơh hăn khâl gưl ngih dak ƀa ƀơ lơn; ntrŭt dăng nau ký ton ăp nau nchrăp tâm boh gay pơk trong nơih ntrŭnh ƀư ăp nau kan, pah kan rjăp. Kruanh dak Lương Cường rnê prêh Bhutan pơk hvi tâm boh, kan nsum ngăn ndrel mra pơk trong gay n’hao nau nthoi ma ăp dak ASEAN. Jêh rnôk tâm nchră, ăp rđau kan hŏ râng nau ký ton nau tâm boh đah 2 Chính phủ ndrel nau tâm boh tâm ăp nau kan trong trôk bar dak./.