Kruanh Quốc hội lah na nê̆, tâm kơl nghị viện mô dơn lah nău tâm mbơh pă nău kan lập pháp mô lah mbơh ăp nghị quyết. Nĕ hôm nha lah nău tâm ton rgâl nău ngơi jêng nău kan, rgâl nău mĭn jêng ƀư tĭng n’hanh rgâl nău ŭch rŏng jêng rơh nkhêp ngăn an rbăn rmen nuĭh ƀon lan ta lam ntur neh. Yor nĕ, ăp nuĭh ndơn kan an nău mĭn, nău ŭch rŏng bâh ƀon lan, mât nău đăp mpăn an lah, ăp nău kơl kan, luật pháp geh rdâk njêng knơm ta ăp nău khlăy tơm, đăp mpăn, công lý n’hanh tâm ban. Gay ma dơi geh ăp nkô̆ mpŏng, kruanh Quốc hội lah na nê̆ 4 nău dăn đă mpŏng kan an tâm kơl kan nghị viện tâm let năp tay. Păng kuăl đă lĕ rngôch ăp nghị viện ta lam ntur neh joi nău tâm ban, rlet rlău ăp nău êng, ndrel nsum tin rdâk njêng du nău rêh let năp tay ntŭk ăp nuĭh ƀon lan lĕ geh rêh tâm đăp mpăn, công lý, têh ndrŏng