Ôi 15/9, ta Jay Quốc hội, Kruanh Quốc hội Trần Thanh Mẫn, Kruanh Hội đồng Bầu cử quốc gia hŏ ƀư tơm rơh hop tâl bar Hội đồng Bầu cử quốc gia.

Ta rơh hop, Hội đồng Bầu cử quốc gia tâm nchră, an nău rgop mpeh: Trong nchrăp siƀŭt mbơh bah Hội đồng Bầu cử quốc gia mpeh nău an nchrăp bầu cử đại biểu Quốc hội khóa XVI n’hanh đại biểu HĐND ăp gưl năm kan 2026 - 2031 ntơm bah rơh hop bôk năp tât aƀaơ n’hanh du đêt nău dơn kan rgum tơm let năp tay; nchrăp nkô̆ n’hanh nchrăp ƀư tâm nchră lam dak mpeh an ƀư pah kan bầu cử đại biểu Quốc hội khóa XVI n’hanh đại biểu HĐND ăp gưl năm kan 2026 - 2031; Nghị quyết n’gluh an dŏng mpeh siƀŭt dâk tâm rlong, phiếu bầu cử n’hanh ăp ntil siƀŭt ơm ƀư lor dŏng tâm pah kan bầu cử đại biểu Quốc hội khóa XVI n’hanh đại biểu HĐND ăp gưl năm kan 2026 - 2031. Lah n’glôch jêh rơh hop, Kruanh Quốc hội Trần Thanh Mẫn dăn đă pah kan nsŏng kơl ân rgum lơn đŏng gay tâm nchră khoa học, ngăch ngăr, lor nchrăp, blău ƀư mhe, bah ơm, bah ngai. Mpeh trong nchrăp ƀư Tâm nchră lam dak, Kruanh Quốc hội đă ân rgâl mhe Tâm nchră an ƀư 2 ding, geh ndơ̆, rgâl tay, lơn lah tâm nău kan mhe, ân geh nău ndê na nê̆, ngăn ngăn, nău rgop ân sôt hơr, găl, di, rgum tơm ngăn ngăn.