Lah na nê̆, ntơm bâh aƀaơ tât Đại hội Đảng lam dak tal 14 kanŭng geh hôm 5 khay dơm, tĭng nău mbơh bâh Kruanh Quốc hội, nău kan tât tay bâh Quốc hội mbra geh rgum an nău nchrăp rơh rƀŭn nchră tal 10, rơh rƀŭn nchră nglâ̆ dŭt bâh Quốc hội khóa 15, nchrăp an rơh săch Quốc hội khóa `16 n’hanh Hội đồng nhân dân ăp gưl năm kan 2026-2031. Kruanh Quốc hội đă, Đảng ủy Quốc hội an geh ngăch ndăn ƀư lôch văn kiện, mât đăp mpăn rnôk nti nău kan chính trị pah kan đah Đảng bộ Quốc hội gay ma mbơh tơih an lah n’gâng kan văn kiện lôch ueh. Rơh rƀŭn nchră lĕ geh ƀư tĭng nău ntrŭnh nchŏng săch Đại biểu ngăn tât râng Đại hội Đại biểu Đảng bộ Quốc hội tal 1 năm kan 2025-2030, đại biểu ndơn nchrăp râng Đại hội đại biểu Đảng bộ Quốc hội tal 1, năm kan 2025-2030, đại biểu bâh mpôl đại biểu Đảng bộ quốc hội râng Đại hội đại biểu lam dak tal 14 bâh Đảng.