Kêng măng 18/9, ta Kuala Lumpur (malaysia), tâm trôm Đại hội đồng Liên Nghị viên ASEAN rơh tal 46, Kruanh Quốc hội Trần Thanh Mẫn rgum ôp Groi Kruanh Quốc hội Lào Sounthone Xayachack. Bar ding nkoch nău răm rhơn ta năp tâm boh kan ndrel nar lơ rjăp, ngăn ngên đah 2 Quốc hội, uănh lah prêh nău ntơm jêh ndrôm samƀŭt “50 năm tâm boh Quốc hội Việt Nam-Lào” mbra dơi tăch tâm năm 2025.

Bar kruanh tâm ban ŭch ndơ̆ tay tâm boh chính trị hăn lăp jru hvi, n’hao kan ndrel tâm ntil nău wăng sa, tăch rgâl, ŭnh nar, logistics; ntrôl tâm nđŭr ƀon lan, ngăn rơh druh ndăm, gay rgum tâm boh dăch dêh Việt Nam-Lào. Kruanh Quốc hội Trần Thanh Mẫn đă Lào nta nơih lơn an doanh nghiệp Việt Nam ntuh kơl. 2 ding tâm ban ŭch nkoch nău blău ơm ndâk njêng Đảng, lôch uĕh trong chính trị, dơh ngăch tŏng ăp n’gâng kan, tâm nĕ geh Quốc hội, rgop nâp nâl tâm rnglăp Việt Nam-Lào.