Ôi lơ 28/7, ta Geneve, Thuỵ Sĩ, Kruanh Quốc hội Trần Thanh Mẫn hŏ râng tâm nchră “Ndâk ndrel dŏng ntŭk kan tơm prăk lam ntur neh, đă ân Việt Nam”. Ntoh nau tâm nar tâm nchră, Kruanh Quốc hội Trần Thanh Mẫn rnê prêh nau kan N’gâng kan tơm prăk ndrel ăp ntŭk kan tâm boh tâm nchră Ndâk njêng ndrel leo dŏng ntŭk kan tơm prăk lam ntur neh, kơl an ân Việt Nam gay ntrŭt dăng nau tâm boh đah Việt Nam ndrel Thuỵ Sĩ; ân lah, aơ lah nau kan geh nau khlay tâm nau hăn kan bah Rmôt kan ntoh măt gưl prêh Việt Nam tât Thuỵ Sĩ.

Lah rjăp nau dăng, nau dơi bah bar dak hôm dŭt âk, Kruanh Quốc hội đă, ntoh măt ntŭk kan Việt Nam tâm Thuỵ Sĩ ndrel rmôt kan Rnâng kan Việt Nam êp Liên hợp quốc, ntŭk kan tăch rgâl bah lam ntur neh ndrel ăp ntŭk kan dak ba dih êng êng ta Geneve mra tâm rgop rjăp lơn tay đah ntŭk kan n’gâng kan bah Thuỵ Sĩ, ăp ntŭk kan lam ntur neh ta Thuỵ Sĩ gay ma năn doh rklaih nau jêr tâm nau ƀư ăp nau ntrŭnh, nau tâm boh tă ký ton đah bar dak, pơk trong nơih gay geh âk lơn ăp nau kan ntuh kơl Thuỵ Sĩ tâm Việt Nam./.