Nău kruanh Quốc hội Trần Thanh Mẫn tât râng rơh rƀŭn nchră Đại hội đồng AIPA-46 lah na nê̆ trong kan nchră nău đah dak bah dih êng, đăp mpăn, ƀư tơm, tâm kơl n’hanh hun hao, âk nău kan, âk ntil kan, âk trong pah kan bâh Việt Nam, an geh ndŏ tay ăp nău tâm boh kan hăn lăp tâm nău na nê̆ lơn. Ta rơh tât khâl aơ, Kruanh Quốc hội Trần Thanh Mẫn geh ăp rơh tâm nchră, tâm mâp khlăy êng bâh Malaysia. Aơ lah rơh gay ma 2 ding geh ndâk nsơm tay nău tâm knơm, trong kan tơm khlăy, pơk hvi nău tâm kơl nghị viện đah 2 dak. Lôch rnôk tât ta Malaysia , Kruanh Quốc hội Trần Thanh Mẫn n’hanh i ur ndrel đah mpôl đại biểu gưl têh dak he lĕ tât khâl n’hanh tâm mâp cán bộ, nuĭh kan Đại sứ quán Việt Nam ta Malaysia, ndơn kan ntŭk rêh jêng nuĭh Việt Nam ta Malaysia.