Kruanh Quốc hội Vương Đình Huệ mĭn lah, năm bah năp 2 dak lĕ geh nău tâm boh chính trị uĕh lăng, đah nău an saơ lah đah Chính phủ, Quốc hội 2 dak geh nău tâm boh kan ndrel n’hanh tâm rgâl mpôl gưl prêh. Kruanh Quốc hội mpŏng, rơh khâl bah Groi Kruanh Hạ viện Séc rgop n’hao tâm boh kan ndrel Quốc hội/Nghị viện lah êng n’hanh nău tâm boh 2 dak lah nsum.
Ta rơh wơt, Kruanh Quốc hội Vương Đình Huệ n’hanh Groi Kruanh Hạ viện Séc an lah, 2 dak tĭng nkô̆ naư tâm boh chính trị, tâm rnglăp nchră naư uĕh lăng dơi ntrôl lĕ rngôch ăp nău kan kơt tăch rgâl, ntuh kơl. Việt Nam mpŏng geh âk ndoh ndơ bah Việt Nam tăch n’gluh an Séc tĭng nkô̆ nău ƀư tĭng Tâm ton tăch rgâl dah rŏng đah Việt Nam-EU n’hanh rlơ̆ tay, Việt Nam nchrăp pơk mpông gay an ăp ndơ bah Séc an Việt Nam. Mpeh Séc mpŏng tăch n’gluh poăch sŭr, ndrôk an Việt Nam tâm rnôk ơm ngăn.
Viết bình luận