Gay đăp mpăn rơh thi tốt nghiệp THPT năm aơ geh ueh, rjăp ndrel tâm di nau kan, N’gâng kan ntĭm nti Lâm Đồng dôl ƀư ăp nau kan nchrăp ân ăp nau dơi ntŭk ntu ndrel nŭih kan. Bah nau đăng kí râng thi trực tuyến, n’gor Lâm Đồng geh bơi tât 14.900 kon se đăng kí thi rơh thi tốt nghiệp THPT năm 2023, hao 740 kon se đăng kí rđil rơh aơ năm e.

Wa Huỳnh Quang Long, Groi Giám đốc N’gâng kan ntĭm nti Lâm Đồng mbơh, nchrăp mra geh pă 627 jrâu nti tâm 39 ntŭk thi tâm ăp nkuăl, nkuăl ƀon têh tâm n’gor. Ndrel ma nau đăp mpăn ntŭk ntu, N’gâng kan ntĭm nti Lâm Đồng kŏ đăp mpăn nŭih kan, ntrŭnh ntĭm mbơh nau ƀư tâm rnôk uănh thi ân ăp rđau kan, cán bộ, nai nti kon se râng nar uănh thi./.