Ôi 26/8, ta Đà Lạt, Ban Rnâng kan Ủy ban MTTQ Việt Nam n’gor Lâm Đồng ƀư Rƀŭn nchră mâp măt chức sắc ntoh lư ăp chroh rƀŭn di nkah gĭt 80 năm Cách mạng Khay 8 n’hanh Quốc khách 2/9. Râng geh kruanh N’gor ủy, UBND n’gor ndrel bơi 100 chức sắc ntoh lư.

Lâm Đồng aƀaơ geh 24 rmôt kan tôn giáo chroh rƀŭn dơi kơp dơn đah rlău 1,67 rkeh kon chroh, 3.500 chức sắc n’hanh bơi 1.300 ntŭk tâm di. Ăp nău ƀư chroh rƀŭn geh đăp mpăn di pháp luật, hăn ndrel đah nuih n’hâm “Rêh uĕh, chroh uĕh”, “Hăn ndrel đah rnoi nuĭh”. Ntoh ngơi ta rƀŭn nchră, wa Phạm Thị Phúc, Groi Bí thư N’gor ủy, Kruanh Ủy ban MTTQ n’gor đă ăp gưl ủy, n’gâng kan ƀon lan uănh tay, djăt nău nkoch, nta an rgum chroh rƀŭn. Nkre, mpŏng ŭch ăp chức sắc, chức việc mât uĕh ƀư tơm, tâm rnglăp ndrel n’gâng kan ƀon lan n’hanh nuĭh ƀon lan, ƀư tĭng uĕh nău kan nuĭh ƀon lan, rgop ndâk njêng Lâm Đồng hun hao nâp nâl.