Tâm ăp nau kan bah “Khay rlong uănh pâl n’aih Lâm Đồng năm 2025” tâm 2 nar ma aơ, Sở Văn hoá, Thể thao ndrel Pâl n’aih n’gor Lâm Đồng tâm rgop nsum ma rmôt kan pâl n’aih bah n’gor ƀư rmôt kan Famtrip uănh ƀư gay n’hao nau dơi geh nthoi ma ăp ntil ndơ, ntil nau kan pâl n’aih tâm 3 nkuăl Âk rbăn ntil kao-dak lêng-yôk prêh. Jêh ƀư tâm rnglăp 3 n’gor Lâm Đồng, Dak Nông ndrel Bình Thuận, nau kan pâl n’aih bah n’gor Lâm Đồng mhe hŏ pơk luh nau hun hao têh, âk nau dơi, nau mpong. Rmôt kan mêt uănh Famtrip geh ăp nŭih blau nau kan, nŭih mât kan pâl n’aih tâm 3 ntŭk tât ntoh lư bah Lâm Đồng, geh: Mũi Né “nglar khlay bah pâl n’aih dak lêng Đông Nam Á”; Đà Lạt rbăn ntil kao “Châu Âu tâm nkuăl neh n’ik”; Tà Đùng- “Vịnh Hạ Long tâm nkuăl yôk prêh’.

Ăp nau rgop mbơh ân lah Lâm Đồng ân ngăch rgâl ƀư nâp trong hăn gay ma nthoi nau kan pâl n’aih Dak lêng-bri-kao. Khay ƀư nau kan pâl n’aih Lâm Đồng năm 2025 geh nkô̆ “Lâm Đồng “Rgum âk ntil kao-nthoi nau ŭch’ geh ntơm lơ 6/9 tât 5/10 đah ntrong kan văn hoá, pâl n’aih-tăch rgâl-thể thao. Aơ lah rnôk gay pâl n’aih n’gor Lâm Đồng rêng nau ueh tât du nkuăl neh tâm dăch dơh, ŭch rŏng năch, âk ntil nau ơm yau ndrel geh âk nau ŭch ueh./.